Hüt am Morge hei mir e zweite Alauf gnoh und sy nomol mit de Velos uf Zell. Uf em einzige Abenteuer Minigolf vo West-Österreich hei mir denn eusi Träfferquote chönne teschte. Ganz iifrig het die Chlinschti mit gmacht. Sogar es „Hole in one“ isch ihre glückt.
Hüt isch es trennts Programm uf em Plan gsi. RoJoRo sind uf Schwaz ins Silberbergwerk. Mit dr Gruebebahn sind mir 800 Meter in Bärg gfahre. In anbetracht vo über 500km Stolle nur e chline Iiblick.
Sit em Mittelalter bis 1999 isch dört Bergbau betriebe worde.
Also d’Ja isch au nid z’churz cho…. D’Ma het sich voll und ganz Zyt für die chlinschti gnoh.
Also irgendwie isch das Wätter im Zillertal eifach Programm, wenn mir do sind. Es isch unglaublich. Hüt am Morge sind mir zwar no mit de Velo in Zell uf em Goldsuecher-Spielplatz gsi. Doch scho dr planti Ichauf im „Stink-Spar“ hei mir usgloh und sind uf diräktem wäg heime gfahre. Es isch denn au so gsi, dass es gli isch cho rägne. Mit em Auto sin mir denn aber in MPreis uf Kaltenbach.
Syt denn rägnets mehr oder weniger ohni Unterbruch… Bääähhhh!!!!
Nöchscht Johr isch do entweder zueverlässig bessers Wätter oder mir gönge neume anders hi!
Leider isch vom Samschtig uf e Sunntig in dr Nacht mini Firewall im Gschäft abgschtürzt… Dank dr Hilf vom Baschi isch si wieder in d’Gäng cho… Danke.
(Foto von Ja)
Also die grosse zwei sind super Partner zum Brändi Dog spiele. Hüt zobe hei mir es genials Spiel gha. Es isch zwar spot worde aber alli sind begeischteret gsi. Viel knäpper hättis im Fall nid chönne us goh und das obwohl mir d’Ma am Afang grad 3x hinter enander heime to händ…
Wenn Jo und Ro so wyter mache, chönne sy nöchscht Johr am Turnier an dr Spiel-Nacht locker mit mache.
PS: Dä im Hintergrund isch euse Nochber, chunnt aber nid drus bim Brändi Dog. Drum au ungföhrlich, wenn är d’Charte würdi gseh!
Was ganz genau gsi isch, blibt im dunkle. D’Jana isch mit em Velo unterwägs gsi und irgendwie isch öppis wäg em Nochbersbueb „Oli“ gsi, dass es sie regelrächt gschnätzlet het.
Elleböge und Chnü sind uffgschürft und dr chli Finger hefftig zerrt. Dank Algifor und iPad sind denn die gröschte Schmärze doch zum ushalte gsi…
Hüt zobe isch es denn emel wieder gange und die Schürfige sind dank dr super Erschtversorgig vo dr Ma au scho guet am heile.
Mit es bitz Grips isch die Schatzsuechi lösbar gsi. Dr Wäg zum Lädeli isch au nid nötig gsi. Wenn me cha läse findet me die nötige Infos au süscht… Köpfchen halt…
S’Fichtenschloss vo dr Zillertal Arena isch eifach mega.
Nid sehr königlich
Alli sind in de Baumwipfel muetig in dr Höchi umme gchlätteret…
Für die einte isch es e bitz gsi wie fliege…
Hmmm… Es isch wohl no einiges ungwohnt im Wohnwage… Es het halt nid alles sys gwohnte Plätzli.
PS: Das isch e kreative Lösigsvorschlag vo dr Ma gsi..
Also dr Gasthof Märzenklamm in Stumm chönne mir sehr empfähle!
Und s’Beschte: Mir sind alli mit em Velo gfahre. Dank dr Schlussstigig isch das z’Nacht denn au no grad verdient gsi. Hungrig sind alli am Tisch gsi und es isch nach em usässe sogar bi allne no Platz für e Glace blibe.
