Hüt isch es eifach nur heiss gsi. Zumindest bis zum Gwitter. Am meiste unter dr Hitz lidet d’Jana. Die ufgheitzti Milch (UHMM) schmeckt irgendwie gar nid. Sobalds wieder chüeler wird, isch wieder besser mit trinke.
Im Bädli hinterem Wohnwage hei aber alli drei ihri Abchüelig gfunde.
Ebe, bis zum ufziehende Gwitter… Es het es paar Ärbsli grossi Hagelchörner dr bi gha. D’Ja het dä ganz Zauber friedlich im Wägeli verschlofe.
Nach enere halbe Stund isch dä Spuck denn au vorbi gsi. Denn hets gheisse: „Gungge dumpe“. Die aschliessendi Duschi het sich denn au würklich glohnt.
Mir hei denn churzfristig umdisponiert und sind im Jagdhof go z’Nacht ässe anstell vo brötle. Mir hei dört drei super Chinder mit emene riese Hunger dörfe erläbe. Jetzt isch rueh iigchehrt und mir zwei gniesse no es Zillertaler Radler naturtrüb vor em Wohnwage.
Schreibe einen Kommentar